مــ،ــنــ،ـديــآ‘ت ع ـمــ،ــرى
 
الرئيسيةاليوميةس .و .جبحـثالتسجيلالأعضاءالمجموعاتدخول
بحـث
 
 

نتائج البحث
 
Rechercher بحث متقدم
المواضيع الأخيرة
» فضل الاستغفار
الثلاثاء يوليو 29, 2008 6:09 am من طرف amr

» هل فكرت يوما لم اعطاك الله قلبا واحدا
الخميس يوليو 24, 2008 10:32 pm من طرف نونا الشعنونة

» اشد انواع الهجر هجر القران الكريم
الخميس يوليو 24, 2008 10:26 pm من طرف نونا الشعنونة

» عجلوا بقراءة هذا الموضوع
الخميس يوليو 24, 2008 10:24 pm من طرف نونا الشعنونة

» كلمة الو شوفوا كم تخسركم من حسنات
الخميس يوليو 24, 2008 10:21 pm من طرف نونا الشعنونة

» ااااااااااااااااه مااقســــــــــــــــا ك ياقلبى
الخميس يوليو 24, 2008 10:19 pm من طرف نونا الشعنونة

» صفات يحبها الله
الخميس يوليو 24, 2008 10:16 pm من طرف نونا الشعنونة

» مـــــــــن انـــــــــــــــــت
الخميس يوليو 24, 2008 10:13 pm من طرف نونا الشعنونة

» ياناس قلبى اتعلق
الخميس يوليو 24, 2008 10:10 pm من طرف نونا الشعنونة

» حوار بين قلبين
الخميس يوليو 24, 2008 10:06 pm من طرف نونا الشعنونة

ازرار التصفُّح
 البوابة
 الفهرس
 قائمة الاعضاء
 البيانات الشخصية
 س .و .ج
 ابحـث
منتدى
التبادل الاعلاني
أفضل 10 أعضاء في هذا المنتدى
دموع الياسمين
 
Admin
 
لمسة حنان
 
DeaD MaN
 
نونا الشعنونة
 
amr
 
الملاك البرئ
 
emmy
 
دودو
 
darsh_gedo
 
المتواجدون الآن ؟
ككل هناك 1 عُضو حالياً في هذا المنتدى :: 0 عضو مُسجل, 0 عُضو مُختفي و 1 زائر

لا أحد

أكبر عدد للأعضاء المتواجدين في هذا المنتدى في نفس الوقت كان 15 بتاريخ الخميس يوليو 11, 2013 2:43 pm

شاطر | 
 

 كيفية طباعة الصور وفصل الالوان هــــــــام جـــدا

اذهب الى الأسفل 
كاتب الموضوعرسالة
لمسة حنان
Admin
avatar

عدد الرسائل : 65
الاوسمه :
احترامك لقوانين المنتدى :
تاريخ التسجيل : 16/03/2008

مُساهمةموضوع: كيفية طباعة الصور وفصل الالوان هــــــــام جـــدا   السبت مارس 22, 2008 5:34 pm

السلام وعليكم ورحمته وبركاته

اخوانى واحبائى فى الله

اود ان اقدم لكم درس هام جدا بطباعة الصور وفصل الألوان


اى صورة فى الدنيا بتتكون اساسا من نقط صغيرة جدا جنب بعض
بيسموها البيكسلز ومفردها بيكسل
وكل ما زاد عدد البيكسلز دى بتبقى الصورة اوضح وانقى
ودة ما يسمى بالريزوليوشن
ومعناة عدد النقط المكونة للصورة فى مساحة معينة فى مساحة واحد سنتيمتر مربع ( مثلا )
والبيكسلز زى ما هو واضح هيا النقط الى بتكون الصورة
واى لون بتشوفة بيبقى متكون من بيكسلز بالطول والعرض
واحنا بعيوننا المجردة مش بنميز دة
لان تكوين عيوننا مش بيجيب التفاصيل الى بالدقة دى
وعلى العكس بتعمل توصيل لاى شىء متقطع
جربوا ترسموا خط متقطع وتبصوا ليه من بعيد هتشوفوة خط متصل
فى الصور برضة عيوننا بتاخد الصورة على بعضها واللون على بعضة ككتلة واحدة
من هنا اقدر ابين لكم



معنى فصل الالوان :

علشان تشوفوا مثلا لون برتقالى مش بيبقى اللون برتقالى
انما مزيج من بيكسلز صفراء وحمراء
والبيكسلز الصفراء و البيكسلز الحمراءبتكون عكس بعض وبين بعض بالطول والعرض
وعلشان البيكسلز تبقى مرصوصة صح وتدى اللون الى بنشوفة
بيعملو شىء اسمة افلام
وبيبقى على كل فيلم درجة لون
وهما اربع الوان فى الطباعة اللى بيكونو اى لون فى العالم
وبيرمز لهم ب C M Y K
وهما السيان والماجينتا واليلو والبلاك
يعنى ازرق احمر اصفر اسود
ودة هو فصل الالوان ان كل لون يبقى منفصل فى فيلم لوحدة

وخلى بالكم ان فى الوان الشاشة بيبقى تلات الوان بس
وهما اللى بيكونو اى لون بنشوفة وبيرمز لهم ب R G B
والبيكسلز مكونة برضة لالوان الشاشه الى قدامكم والتليفزيون كمان لكن التقنية مختلفة


طبعا هتسالوا لية يعنى كل لون فى فيلم لوحدة؟

هرد بمثال
المصحف مثلا بتلاقية لون اخضر بس فى البرواز واسود فى الكتابة
دة بيسموة اتنين لون
لان الالوان الى مستخدمة بتبقى لونين وبس اخضر واسود
ودة معناة ان اللونين دول مفصولين عن كل الالوان التانية
وطبعا دة بيوفر فى تمن الحبر كتير
غير ان باقى الالوان مش هيبقى ليها لازمة لو عايزين لونين بس
واحب اوضح برضة تساؤل اكيد فكرتوا فية

طب والافلام بتاعة فصل الالوان دى بيبقو شكلهم اية ؟

الفيلم اعتبرة كانه فيلم كاميرا فى حساسيتة بس فى شكلة بيبقى ابيض شفاف تماما
وبيعملو الفيلم دة علشان يقدرو يعملو كميات كبيرة من المطبوعات بتكلفة رخيصة
وخلوا بالكم ان اللون الى بيتطبع على الفيلم
انتوا بتشوفوه بدرجة اسود او رصاصى بعينكم المجردة
بس فى الواقع بتبقى لون تانى
ودة بيعرفة المحترفين بس
وعلشان تشوفوا الصورة بنفس المنظر الى بتشوفوها بيه لو الوانها كتير ( اربعة لون )
الافلام بتتحط فوق بعض بالظبط علشان يكونو الصورة كاملة بكل الوانها
ونلاحظ ان لازم يتحط الفيلم فوق التانى بكل دقة
ولذلك بيعملو الكروسات والريجيستريشن مارك
الى بتبقى مثلا على شكل علامة زائد علشان يبقو مظبوطين بمنتهى الدقة فوق بعض
لان اى حركة يمين او شمال ولو جزء من مليمتر بيبوظ الصورة وتطلع مغلوشة
وبيسموها فى لغة المحترفين الالوان مرحلة عن مكانها
ومراحل الطباعة تقدر تقسمها كالاتى
التصميم على الكمبيوتر
فصل الالوان
بناخد الافلام نعملها حاجة اسمها زنكة



اية الزنكة دى ؟

اعتبروها زى قطعة صفيح مرنة عليها مادة جيلاتينية
بيتحط الفيلم الى فية اللون الى عايزينة عليها
وبيتسلط عليها ضوء بحرارة منخفضة
بالتالى بتحرق المادة الجييلاتينية دى فى اماكن وبتبقى طرية فى اماكن
الاماكن الى هتبقى بارزة
هيتحط عليها الحبر زى الختم شفتو بيبقى الكتابة بارزة فية ازاى ؟
اعتبرو الزنكة كانها ختم بالظبط
وبعدين بتتغسل بمواد حمضية او قلوية معينة فبتنزل الاجزاء الطرية وتفضل الاجزاء المتصلبة
وبتتركب قطعة الصفيح الى هيا الزنكة على المكنة بتاعة الطباعة وبتتحط على السلندر الى بيطبع


اية السلندر دة كمان ؟


تعرفوا شكل السلندر اية ؟
تعرفوا الجرايد لما بتتطبع لما بنشوف فى التليفزيون مكنة اسطوانية بتلف بسرعة ويخرج من تحتها الجرايد
هو دة السلندر وبيطبع كميات رهيبة فى وقت قليل


طريقة الطباعة :


القطع البارزة الى فى الزنكة بيتحط عليها الحبر وتطبع مع كل لفة
وهيا بتسحب الحبر بطريقة معينة وتطبع على الورق الى تحتها
وهيا بتلف تانى بيتحط عليها الحبر وتطبع وهكذا
وخلو بالكم ان لكل لون فيلم و زنكة مختلفة
يعنى الاحمر ليه زنكة
الاصفر لية زنكة
الاخضر لية زنكة
الاسود لية زنكة
والطباعة بتتم على مراحل لون لون
يعنى لون فوقة اللون التانى
مش كله فى نفس الوقت مع بعضة
ودة فى الطباعة عن طريق الافلام


الطباعة عن طريق الماكينات الديجيتال :

فية طباعة عن طريق الماكينات الديجيتال ومش بتحتاج لكل القصة دى
لان طريقة الطباعة فيها انكم بتصممو علىالكمبيوتر
وتدوا امر برنت كانكم بتطبعو على برنتر عادية وبيطلع لكم اى كمية عايزينها

احب اوضح شىء مهم
ان اهمية ماكينات فصل الالوان بتتناقص تدريجيا مع غزو ماكينات الطباعة الديجيتال للاسواق



فى النهاية اتمنى اكون افدتكم
على فكرة اى تعديل او نقد للموضوع انا هرحب بية (لان فوق كل ذى علم عليم )
هذا ما علمت والعلم كله عند الله

دومتم لى بحفظ الله ورعايته
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
دموع الياسمين

avatar

عدد الرسائل : 98
الاوسمه :
احترامك لقوانين المنتدى :
تاريخ التسجيل : 02/03/2008

مُساهمةموضوع: رد: كيفية طباعة الصور وفصل الالوان هــــــــام جـــدا   الأربعاء مارس 26, 2008 11:28 am

مشكووووووووووووور اخي الغالي

شرح ممتاز
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
كيفية طباعة الصور وفصل الالوان هــــــــام جـــدا
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
شــ،ــ،ــبـكـــ9 عــمـــرى :: ديزاين عمرى-
انتقل الى: